وأوضح باسم يوسف تعليقاً على الفيديو من تدريبات أخر حلقات البرنامج التى لم تعرض حيث كتب معلقاً على الفيديو "الأغنية دي عملناها للسيسي وكان المفروض تبقى في الحلقة اللي ما رجعناش فيها، من أكتر من سنتين لما البرنامج اتلغى كنا بنعمل بروفاتنا عادي والمكان اللي اتصورت فيه البروفة كان فوق مسرح راديو، دي ليلة إذاعة الحلقة فبل ما يجيلنا قرار الإيقاف".

وأضاف باسم "لو تفتكروا كان انتخابات الرئاسة ولقاءات السيسي مع الإعلام شغالة، وكان كل لما حد يسأله يقوله "ده أمن قومي" "ما تسآلش" "مافيش" "هو كده" "مافيش برنامج" "تقشفوا تقشفوا"، وطبعًا "حتشوفوا مصر بعدي سنتين وتتعجبوا"، و فعلاً صدق في كل كلمة و بقينا نتعجب ونلطم، المهم الأغنية دي اللي فاضلة من ريحة البرنامج، آخر حاجة غنيتها بصوتي الوحش، الأغنية دي يمكن دلوقتي ما تبقاش حراقة قوي لأن بلحة بقى مهزأ أصلاً والهالة المقدسة اللي حواليه ماعدتش موجودة بعد ما أثبت فشله وغباؤه بل وجنونه، بس ساعتها لو تفتكروا أيام الرقص قدام اللجان ومانشيتات من نوعية "السيسي المسيح المخلص" و الهيستريا اللي كانت موجودة، الحلقة دي كانت مكتوبة حلو بصراحة وكنا متأكدين واحنا بنكتبها إنها مش ممكن تعدي، المهم ريحونا وريحوا نفسهم والحلقة اتمنعت وما اتذاعتش، واللي بقى منها بروفة بسيطة".

وبعد نشر هذه الكلمات تراجع باسم وحذف الفيديو وكتب عبر الـFacebook أيضاً "طيب حفاظًا على سلامة الناس حنزل الأغنية دي صوت بس، أنا شلتها عشان ما حدش يتأذى".

لكن رغم حذف باسم يوسف للفيديو لم يمنعه من الأنتشار والتدوال قبل مستخدموا الـFacebook.

اقرأ أيضاً

شاهد - باسم يوسف يغني "أز أز كابوريا" ساخراً من السيسي

تعرف على موعد وتفاصيل عودة أصدقاء باسم يوسف إلى CBC

باسم يوسف رافضا التعليق على اللاعب المصري الذي رفع علم السعودية: أنا نباتي